தாவரம்

தளிர்த்து வளரும் தாவரம் - மழைத்
துளியால் பலதரு மேவரம்

களித்து நடனம் ஆடிடும் - வகைக்
கனியை உயிர்கட் கீந்திடும்

குளிர்ச்சி நிழலைத் தந்திடும் - அடுப்புக்
குச்சியாய்ப் பயன்தர வெந்திடும்

புளிப்பு இனிப்புச் சுவையாக - வகைப்
பலவி ருப்பினுங் கவையாக

அளிக்கும் பயன்கள் பலவாகும் - அதில்
மாந்தர் அறிந்தது சிலவாகும்


தாவரம் பேசுவதாக
அழித்தி டாதீர் எங்களை - மிகு
அன்பாய்க் கேட்கிறோம் உங்களை

அசுத்தக் காற்றை எடுத்துமே - மிக
சுத்தக் காற்றைக் கொடுத்துமே

பலநன் மைகள் செய்கிறோம் - இங்கு
உங்கள் அருளால் உய்கிறோம்

என்று கேட்க வைத்துவிட்டீர் - நாங்கள்
எனினும் உங்கட் கருள்செய்வோம்
                                        - தமிழகழ்வன்