Apr 14, 2013

இனிய தமிழ்ப் புத்தாண்டு நல்வாழ்த்துகள்!

நேரிசை வெண்பா

அயர்வறியாத் தண்டமிடம் ஆன்றபெரு மக்கள்
துயர்நீங்கித் திண்மை நிலைபெற்(று) - உயர்ந்தே
கயமைத் தனத்தார் களைந்திட்டுச் சூடும்
உயர்வாகைப் புத்தாண்டே வா!

                                - தமிழகழ்வன் சுப்பிரமணி சேகர்

தண்டமிடம் - தண்+தமிழ்+தம்

Apr 12, 2013

Subramani with Ponmani in Germany!

கலிவிருத்தம்

எண்ண வலைகள் எப்போதுங் கண்ணில்
வண்ண மலர்கள் வாஞ்சையொடு நெஞ்சில்
கன்னல் மொழிகள் காதோரம் ஒலிக்கும்
சென்னியும் பாதமும் சிரமத்தில் தவிக்கும் 


தும்மல் இருமல் தனித்தன்மை பெறூஉம்
செம்மல் விம்மல் ஒருசேரத் துடிக்கும்
அம்மல் லலல்ல லள்ளல்செய் நெல்லும்
எம்முனைப் புந்தான் எண்ணத்திற் காதல்
                            - தமிழகழ்வன் சுப்பிரமணி சேகர்