வேண்டுமென வேண்டும்

எண்சீர்க் கழிநெடிலடி ஆசிரிய விருத்தம்

பொய்களவு கள்காமம் போக்க வேண்டும்
    போர்செய்தல் சினங்கொள்ளல் நீக்க வேண்டும்
மெய்பேசி நன்னெறியில் வாழ வேண்டும்
    வெந்தழலாம் மதம்சாதி களைய வேண்டும்
பொய்த்தவத்தார் போர்வையெலாம் கிழிய வேண்டும்
    புதுமையெனப் புகுந்தீமை இரிய வேண்டும்
செய்செயலில் பேராவல் பொங்க வேண்டும்
    தேர்வழியில் பொதுவுடைமை நிலைக்க வேண்டும்
                                                          - தமிழகழ்வன் சுப்பிரமணி