மென்மையான உன்றன் பேச்சு
என்றன் செவியில் ஏறிப் போச்சு
மயங்கிப் போனேனே - நான்
மயங்கிப் போனேனே
உன்றன் நெஞ்சில் ஒளிந்திருக்கும்
உயர்ந்த குணங்கள் எல்லாம் நானே
கண்டுகொண்டேனே - நான்
கண்டுகொண்டேனே
அன்பே! இது முதல்முறையோ?
என்னெஞ்சில் இளம்பிறையோ?
சுழல்கின்ற கடும்புயலோ?
சுடுகின்ற பெரும் அனலோ?
வருங்காலம் வசந்தகாலம்
இப்போதே வந்ததென்று
எண்ணம் சொல்கிறதே - என்
நெஞ்சம் சொல்கிறதே
நுதலில் வைத்தாய்
நேயக் கண்ணை
அதனில் விழுந்த
மாயக் கண்ணன்
நான்தானே நான்தானே
