அருட்சுடரோன்

அருட்சுடரா லாவன செய்வான் பொருட்பொதி

பூவுலகை அன்பிற் புணர்ந்து

கதிர்வரவைக் காண விழையும் எதிர்வரவை

ஏற்று வழிசெ யுலகு

அறம் வளரட்டும்

கைகளை நம்பிக் களங்காண்க பொய்களைப்

போக்கி நிலைக்கும் வழிக்கு        1

செய்கை சிறந்தன வாகுக பொய்வழிப்

புல்லர்ப் புலமோடச் செய்து           2

மெய்வழியோர் மேன்மை பெருகட்டும் உய்வழி

ஓர்ந்து நலஞ்செய்க வே                 3

தீமை யெனத்தெரிந்தும் தேர்ந்திழைப்பார் வாய்மை

வழிதேடா மூடர் பிறர்க்கு                4

மதியிலார் மானம் விழையார் விதியென்பார்

வீண்பேச்சு வீரரா வார்                    5

கோபிநாத் - கலைவாணி

கலை:

பெருங்கோபி  கையர்தம் பேரன்புக் குரியவனாய்

வருங்கோபி நாதன்பேர் வடிவாக வாய்த்தவரே!

பொருங்கோபி ணைத்திருக்கும் பொறிவில்லின் நாணாக

ஒருங்கோவி யத்தழகாய் உயர்வோடு மனங்கொள்வீர்!

கோபி:

கலைவானில் அழகாகக் கலைந்தோடும் முகிலூடே

கலைகலையாய் நடக்கின்ற கலைகற்ற நிலவாகக்

கலையாத கனவோடு காலமெலாம் சேர்ந்திருப்போம்

கலைவாணி கவினாலே கலையாலே கனிவாலே!

ஆனந்தி

அன்புச் செல்லம் ஆசை வெல்லம் - ஆனந்தி

இன்பச் சொல்லில் இன்னா இரிக்கும் - ஆனந்தி

என்புக் கென்பாய் என்றோள் பற்றும் - ஆனந்தி

உன்புத் தகத்தே உறைவி டந்தா - ஆனந்தி

பெருங்கருணை

ஈர்ப்பு விதியென இயற்பியல் உரைக்கினும்

சேர்ப்ப தென்னவோ செயும்பெருங் கருணையே

சீர்த்த மனத்தினர் செம்மையாய் அறிகுவர்

ஆர்த்த அன்பினால் அரும்பெரு வெளியமே

விழுதாய் வியக்கும் சிற்றறிவன்

பொழுது சாயுங் காலத்தே

    பொன்னாய் மின்னும் மின்னோடே

கெழுத கைமை வாய்ந்தவராம்

     கேள்வி ஞானம் வாய்த்தவராம்

தொழுத கையார் பாலாஜி

      தோன்றும் ஞானம் தானுரைப்பார்

விழுதாய் வியக்கும் சிற்றறிவன்

     விரையத் துணிவேன் வீட்டுக்கே

ஆதியே வாழி!

இருள்வெளி எங்கும் எழுகதி ராலே

பொருள்விளங் குறச்செய் பொருளுடைப் பொருளே! 

அருள்வெளிக் கடலே! ஆதியே நாளும்

கருத்தினில் இருத்திக் கைதொழு வேனே!

கருத்து வேறுபாடு

வானம் நீலம் என்றாய்

வானம் நீளம் என்றேன்

தென்றல் போல்வாய் என்றேன்

தென்றலும் ஆகா மெல்லியலாய்

விருது பெருமை என்றாய்

விருதுக்கே பெருமை என்றேன்

கருதும் கருத்து வேறு

காணும் கனவுகள் வேறு

இருந்தும் வாழ்க்கை ஒன்றென்று

இணையாய்த் திரிவோம் இன்று

உண்மை

தன்னுள்ளம் நன்று பிறனுள்ளம் தீதென

உன்னு மடத்தனத்தார் ஓடாகத் தேய்ந்தாலும்

உன்னா துலகவரை ஒன்றாகக் காணாது

மன்னு மிதுவே மறை

சும்மா இருத்தல் சுகம்

ஆய்ந்த பொருள்கண்டோர் ஆயிரஞ் செய்தாலும்

வாய்ந்த நிறைநிலை வாராதே - வாய்ந்தமையா(து)

உம்மா லியலாத ஒன்றைச் செயப்புகற்குச்

சும்மா இருத்தல் சுகம்

😂