அருட்சுடரோன்

அருட்சுடரா லாவன செய்வான் பொருட்பொதி

பூவுலகை அன்பிற் புணர்ந்து

கதிர்வரவைக் காண விழையும் எதிர்வரவை

ஏற்று வழிசெ யுலகு

அறம் வளரட்டும்

கைகளை நம்பிக் களங்காண்க பொய்களைப்

போக்கி நிலைக்கும் வழிக்கு        1

செய்கை சிறந்தன வாகுக பொய்வழிப்

புல்லர்ப் புலமோடச் செய்து           2

மெய்வழியோர் மேன்மை பெருகட்டும் உய்வழி

ஓர்ந்து நலஞ்செய்க வே                 3

தீமை யெனத்தெரிந்தும் தேர்ந்திழைப்பார் வாய்மை

வழிதேடா மூடர் பிறர்க்கு                4

மதியிலார் மானம் விழையார் விதியென்பார்

வீண்பேச்சு வீரரா வார்                    5