இனிய மங்கையர் திருநாள் வாழ்த்துகள்

இன்னிசைச் சிந்தியல் வெண்பா

ஆக்கம் அழிவாய அவ்விரண்டும் பெண்ணவளின்
நோக்கிற் புதைந்துள நுண்பொருளால் நேருமே
தீக்கிணை யாரே தெளி

நேரிசைச் சிந்தியல் வெண்பா

தாயாய் மகளாய்த் தகுந்தநற் றாரமாய்ச்
சாயாத உள்ளத்துச் சான்றவளாய் - ஓயாத
தொண்டால் உயர்ந்தாள் தொடி

நிலைமண்டில ஆசிரியப்பா

மாண்புறு பெண்ணே! வயங்கொளிக் கண்ணே! 

காண்புறும் இன்பே! கனியே! அமிழ்தே! 

கைக்கொள் யாவும் மெய்ப்பொருள் ஆக்கி 

உய்வழி காணும் உயர்ந்த மணியே! 

வாழ்க! உள்ளம் மகிழ்வால் நிறைந்து 

வாழ்க! நாளும் பல்லவை ஆண்டே!