இந்தி மொழியானை இந்தி மொழியென்று
வந்து திணிப்பதா வாழ்வு? 111
இந்தியைப் பேசுவோன் இந்தியன் என்றுறுத்தி
மந்தியாய் வந்திறங்கும் பார் 112
குரங்கினைப் போலே குறுக்கு வழியில்
அரங்கேறப் பார்க்கும் அது 113
இந்தியன் என்றினியும் எண்ணல் பெருந்தவ(று)
இந்தியன் என்ப(து) இழுக்கு 114
இந்தியேன்? மந்தியாய் இந்தியை ஏந்தியேன்?
சந்தியில் நிற்கவோ? சாடு 115
ஆளும் எவருக்கும் அன்பில்லை பண்பில்லை
நீளும்வா லொன்றே உளது 116
இனங்கள் பலவிங்(கு) இதையறி யாத
வனத்துக் குரங்கு வகை 117
பரந்த மனமில்லான் பாராள வந்தால்
வரமில்லை கேடு வரும் 118
வேற்றுமையில் ஒற்றுமை வேரறுந்து போனதே
ஆற்றல் அரிதே அகம் 119
எழுவாய் தமிழா எழுவாய் தமிழா
விழுங்குகின்ற வாயை விழுங்கு 120
No comments:
Post a Comment