வீழும்போ தெல்லாஅம் வீறுகொண் டேயெழு
பாழுனக் கில்லை பதி 71
தேய்ந்தழிந்தும் தேடி யுலகறியும் தேனிலா
ஆய்ந்தறிந்(து) ஆற்றல் அறிவு 72
இயலாமை தோல்வியன்(று) இன்னும் ஒருநாள்
முயலாமை தோல்வி முயல் 73
மலரா ததனை முகர்பவர் யாரோ
மலர்ந்த உழைப்பு மது 74
படிப்போ தொழிலோ படுத்தும்பாழ் போக்கி
அடுத்து வருவதை ஆள் 75
தவறி விழுந்தும் தளரா(து) அடுத்துக்
கவலை கொளாது முயல் 76
நாடோறும் சாணேறும் நான்கு விரற்கிழியும்
வாடாதே ஓணான் முயன்று 77
முப்பத் திரண்டு முழமுள முட்பனையைத்
தப்பாம லேறுந் தவழ்ந்து 78
விடாஅ முயற்சியொடு வெற்றியை நோக்கத்
தொடாஅ தனவும் தொடும் 79
தளரா வளர்தெங்கே தானீயும் இன்னீர்
தளரா முயற்சி தவம் 80
No comments:
Post a Comment